Дұрыс тілек айтып жүрмізбе?

Тілек айта білудің өзі де өнер. Туған күн иесі, той иесіне арнап өлең шығарып я болмаса өлең оқып тілек айтқанға не жетсін. Кейде жиындарда отырғанда үлкен кісілердің әр нәрсенің басын шатып соңында "еки жас бақытты болсын!" деген сөзбен аяқтайды. Құлағымыз жаттанды тілектерден әбден шаршағандай. Тілектердің көбісі "аспаның ашық болсын, тілегің қабыл болсын, ұзақ өмір тілеймін, денсаулығың мықты болсын" деген секілді. Жаттанды сөз тіркестерін қолданбай я өзің өлең шығарып болмаса ақындардың бір екі қатар өлеңін жаттап барғанға не жетсін.

Мұхтар Шаханов Тілек

Өмір мынау қатар тосқан

Жеңілі мен ауырын,

Шуағы мен дауылын.

Бүгін мына сенің туған күніңде

Қандай тілек айтсам екен, бауырым?

Саған байлық тілер ем мен,

Бірақ ол бір әңгүдік,

Есігіңнен кіргенімен паң күліп,

Жүргенімен шеру тартып, сән құрып,

Саған жолдас бола алмайды ол мәңгілік.

Бәлкім, ерлік тілер ем мен,
Тамыр алған төсіңнен,

Ерлік сезім бірақ сенің табылады өзіңнен,

Онсыз адам жүре ала ма

Соқпақтар мен жолсыз да,

Ал сұлулық тілер ем,
Сұлусың сен онсыз да.

Қайтсем екен?

Мен одан да барлық адам аңсаған,

Барлық адам сан мың жылдар арман етіп шаршаған,
Азы жетіп, ал сан мыңы тек елесін тамсанған,

Кез келгеннің уысына түспейтін,

Кез келгеннің бақшасында піспейтін,

Зор махаббат тілейінші мен саған